JANIZERI seu JANIZARII

JANIZERI seu JANIZARII

praetoriani milites Turcici Imp. Divisi in Constantinopolitanos et Damascenos, magni ad augendum et turbandum Imperium momenti. An ab Amurathe I. A. C. 1362. an ab Osinanno I. Imp. instituti? Hi enim in potestatem suam dudum traxêrunt, ut regnum transferant quo velint. Unde et nostro Sec. Osmanem ac Ibrahimum e medio sustulêrunt; nec meliora Fata hodiernum Muhammedem mansillent, nisi prudentiâ Magni Vezirii conservatus, ac loco eius ipsa insidiarum architecta Avia, Achmedis Imp. quondam Saltana, strangulata fuisset. Vide Auctor. descr. St. Turc. l. 1. c. 4. Proin ne simili licentiâ in posterum in fam. Ottomannicam grasserentur, feruntur omnibus modis nunc enervari: credituque id inter consilia ultimi belli Hungarici Mag. Vezirius posuisle, ut Ianizarios praesentissimis periculis obiceret, eosque in tantum minueret, quo eo citius viam sibi ad novam et obsequii patientiorem militiam pararet. Vide Leunclav. Ann. Turc. et in Pandect. 35. Chalcondyl. l. 1. inprimis P. de la Valle, Itin. tom. 1. 2. et. 3.